Menu

Si të ushqeheni shëndetshëm dhe të mos shtoni në peshë

Të hamë dhe mos të shtojmë në peshë është dëshira të gjithëve.

ushqimi

 Në fakt diçka e tillë është e mundur mjafton të tregoni kujdes në zgjedhjen e ushqimeve dhe të mbi të gjitha ta nisni ditën shëndetshëm.  Një mëngjes i pasur dhe i ekuilibruar përbën hapin e parë për të mbajtur linjat ose për të rënë në peshë. Mënyra në të cilën vendosim të zgjojmë stomakun përcakton se si do të funksionojë organizmi ynë përgjatë gjithë ditës. Është thelbësore që t’i japim fizikut tonë gjithë lëndët e nevojshme ushqimore për të cilat ka nevojë. Ja si të organizoni mëngjesin perfekt sipas dëshirës suaj, hap pas hapi.

Sa kalori duhet të marrim për mëngjes

Bëhet fjalë për rreth 300-400 kalori. Nëse jeni duke u përpjekur që të bini në peshë, këshillohet të mos i kaloni 300 kaloritë. Nëse e keni arritur formën e dëshiruar fizike ose merreni me aktivitet sportiv intensive, atëherë nuk ka problem të arrini edhe 400 kalori.

Gjysma e mëngjesit tuaj duhet të jetë e përbërë prej karbohidrateve

Mëngjesi është moment perfekt në të cilin mund të ushqeheni me karbohidrate pa u ndjerë në faj: sasia e duhur është 40-50g, pak a shumë gjysma e vaktit të parë të ditës. Biskotat e thata, buka(duhet integrale), drithërat, tërshëra janë të këshillueshme. Hiqni dorë nga zakoni i konsumimit të një kruasanti, përveç rasteve të rralla.

Shtoni proteinat

Gjysma tjetër e pjatës suaj duhet të jetë me përbërës të tjerë duke filluar me proteinat, 15-20g. Një sasi e tillë bën të mundur që të shmangni urinë e mëtejshme në pjesën e parë të ditës dhe madje të arrini të humbni në peshë. Këshillojmë jo vetëm qumësht, po edhe vezë, proshutë e lajthi.

Mos harroni yndyrnat e mira

Edhe yndyrnat kanë dobi. Sigurohuni që ato të arrijnë në 30-35% të kalorive të mëngjesit tuaj, në sasinë 10-15g. Bëni mirë të shmangni, përveçse në raste mjaft të rralla proshutën dhe djathin e ngopur në yndyrë. Zgjidhni avokadon, vajin e ullirit, frutat e thata.

Roli i fibrave

Përpiquni që në ushqim të përfitoni edhe me fibra, 25% e vaktit tuaj ose 6-10g. dardhë, mollë, perime, fara, tërshërë dhe boronicat janë ushqimet ideale për sasinë e duhur të fibrave ta cilat stimulojnë matabolizmin dhe sistemin e tretjes.

Larg konsumit të sheqerit!

Nëse respektoni sasitë e sheqernave të lartpërmendura, mos u shqetësoni, sidomos nëse mëngjesi juaj përbëhet nga një përzierje frutash, drithërash, qumështi ose kosi. Nëse doni të tregoni kujdes me sasinë atëherë qendroni nën 36g. Edhe nëse preferoni të shtoni sheqer në filxhanin e kafes, sigurohuni se nuk do të hidhni më shumë se 6g(1lugë e gjysmë) dhe filloni ta eliminoni atë gradualisht.

Ora ideale e mëngjesit, në mënyrë që të bini në peshë me lehtësi

Koha më e mirë për të ngrënë mëngjes është 30-60 minuta pasi jeni zgjuar. Nëse bëni pjesë tek njerëzit të cilët nuk preferojnë të hanë menjëherë pas zgjimit, mund ta ndani vaktin në dy pjesë, hani diçka të lehtë dhe pjesën tjetër pas një gjysmë ore.

Ky truk funksionon edhe për ata që merren me stërvitje në mëngjes dhe duan të ushqehen lehtë para aktivitetit fizik, në këtë rast është e këshillueshme të merrni karbohidrate dhe fruta fillimisht, proteinat lërini për pas stërvitjes.

Artikuj Te Ndryshem

Fjala Jote

Dergo Pergjigjen

Your email address will not be published. Required fields are marked *

*