Menu

Sharapova hetohet për mashtrim

Rrezikon 7 vite burg në Indi.

maria-sharapova_b_2211170856

Problemet nuk kanë fund për Maria Sharapovën. Tenistja ruse është vënë nën hetim nga policia indiane për mashtrim dhe konspiracion kriminal, në një çështje që ka të bëjë me një agjenci imobiliare.

Bëhet fjalë për “Homestad Infrastructure”, e cila ka përfituar miliona dollarë nga blerës të mundshëm për një projekt të quajtur “Ballet by Maria Sharapova”, që duhej të ndërtonte apartamente superluksoze me heliporte mbi tarracat e tyre, si dhe një akademi tenisi.

Sharapova, 5 herë fituese e turneve “Grand Slam”, në vitin 2013 bëri një vizitë në Indi për nisjen e këtij projekti, madje u zhvillua edhe një ceremoni me këtë rast.

Policia i nisi hetimet në lidhje me këtë çështje më 16 nëntor, ndërkohë që Piyush Singh, avokati që përfaqëson të gjithë blerësit e mashtruar, deklaroi se çdo veprim u bë për shkak se projekti ishte i lidhur me emrin e Maria Sharapovës.

Nëse tenistja ruse do të shpallet fajtore, ajo rrezikon të dënohet deri në 7 vite burg.

Artikuj Te Ndryshem

Fjala Jote

Dergo Pergjigjen

Your email address will not be published. Required fields are marked *

*