Menu

Pulë gjigante në Shtëpinë e Bardhë

Një pulë gjigante, që fryhet me ajër, është shfaqur përballë Shtëpisë së Bardhë.

pula


Pula me emrin Don ka një kreshtë të artë flokësh mbi kokë, të ngjashme me atë të Presidentit Donald Trump. Në imazhet e televizioneve shihej pula gjigante dhe pronari i saj, Taran Singh, banues në Kaliforni, thotë se po e përdor atë për të ndërgjegjësuar qytetarët.

“Po e bëj këtë në përpjekje për të ndërgjegjësuar njerëzit se sa destabilizues dhe negativ është lideri ynë. Ai nuk ka publikuar të dhënat e veta financiare, ka frikë të konfrontohet me Vladimir Putin dhe po luan lojën e një pule me Korenë e Veriut”, tha Singh.

Më herët këtë vit, diçka e ngjashme ishte përdorur nga organizatorët e marshimit të ditës së taksave, që i kërkonin Presidentit Trump të publikonte të dhënat e tij financiare dhe deklaratën e taksave.

Aktualisht, Presidenti Trump nuk ndodhet në Shtëpinë e Bardhë, por në Bedminster të Nju Xhersit, ku po kalon pushimet e tij 17-ditore, ndaj edhe nuk mund të shohë nga dritarja e tij shpendin gjigant që aq shumë i ngjason.

Artikuj Te Ndryshem

Fjala Jote

Dergo Pergjigjen

Your email address will not be published. Required fields are marked *

*