Menu

Magjia Radiohead

Radiohead sjell këngën "I Promise". Është bërë në kohën e incizimit të albumit monumental OK Computer dhe është e magjishme. Dëgjojeni këtu.

Radiohead

Radiohead ka shpërndarë këngën “I Promise”, e papublikuar ndonjëherë, e që është e para nga albumi i tyre i ardhshëm “OKNOTOK” – me të cilin do të shënohet 20 vjetori i “OK Computer”.

Ky album, i cili është i ripërpunuar, do të dalë në treg më 23 qershor.

Kënga është shkruar nga Radiohead 21 vjet më parë, teksa bendi po incizonte “OK Computer”, por që asokohe nuk ishte përfshirë në këtë album monumental të vitit 1997.

“I Promise” është një këngë e madhe, një meditim akustik për vetminë dhe tjetërsimin, paranojën dhe dhimbjen.

“Nuk do të ik më, premtoj. Edhe kur të mërzitem, premtoj. Edhe kur të më mbyllësh, premtoj. I them lutjet e mia çdo natë, premtoj ”, këndon Thom Yorke.

Në video-spotin e kësaj kënge të rrallë, që ka për regjisor Michal Marczak, vrojtohen fytyrat e disa njerëzve në një udhëtim melankolik me autobus në orët e vona të mbrëmjes. Në fund, del se asgjë nuk është ashtu siç duket.

Dy këngë të tjera të regjistruara, “Man of War” dhe “Lift”, janë gjithashtu në pritje për t’u publikuar. Sikurse kënga “I Promise”, edhe këto dy këngë, nuk ishin përfshirë në albumin e vitit 1997.

Moderatori i BBC Radio 6, Steve Lamacq, të premten mbrëma, dha premierën e “I Promise”, duke thënë se kishte dëgjuar që anëtarët e Radiohead ishin veçanërisht të lumtur që kanë gjetur vargjet e saj, në një dhomë magazinimi, sepse kishin menduar se e kishin humbur atë përgjatë viteve. / Politiko.net

Artikuj Te Ndryshem

Fjala Jote

Dergo Pergjigjen

Your email address will not be published. Required fields are marked *

*