Menu

Haradinaj: Qeveria e re do të formohet në afat rekord

Haradinaj: S'kemi telashe me numra për ta bërë Qeverinë e re.

haradinaj

Shumë i sigurt se i ka votat e mjaftueshme për ta bërë Qeverinë është shprehur të hënën lideri i AAK-së, që është i nominuar për kryeministër nga PDK-AAK-Nisma.

Ramush Haradinaj ka paralajmëruar se Qeveria e re do të formohet në afat rekord, pas certifikimit të rezultateve nga KQZ-ja.

Në një intervistë për KTV-në, Haradinaj ka thënë se nuk kanë telashe me numra për ta bërë Qeverinë e re, por se janë në diskutime me deputetë të zgjedhur të Kuvendit, në mënyrë që Qeveria e ardhshme të jetë më e fuqishme.

Haradinaj i është kundërpërgjigjur kandidatit për kryeministër nga Vetëvendosje, Albin Kurti, i cili akuzoi PAN-in se po synon që t’ia vjedhë LDK-së e AKR-së ndonjë deputet dhe pastaj ta lusë Vuçiqin në Beograd për ta formuar Qeverinë në Kosovë.

Në Vetëvendosje këtë e quajnë frikë e panik, që e ka kapur Haradinajn.

Sejdiu ka vazhduar t’i bëjë ftesë jo vetëm koalicionit LDK-AKR- Alternativa, por edhe deputetëve të koalicionit PAN që t’i bashkohen Qeverisë së Albin Kurtit, duke ikur nga koalicioni i klanit “pronto”

Menjëherë pas zgjedhjeve, LDK-AKR-Alternativa ia kanë bërë të qartë koalicionit PAN se nuk do të hyjnë në bashkëqeverisje me ta, derisa po presin certifikimin e rezultateve për të arritur një koalicion paszgjedhor me Vetëvendosjen, që bashkë do të bënin më shumë se 61 deputetë.

Artikuj Te Ndryshem

Fjala Jote

Dergo Pergjigjen

Your email address will not be published. Required fields are marked *

*