Menu

Fajon e mëson Veselin ku duhet Kosova të lobojë për vizat

Kryetari i Kuvendit të Republikës së Kosovës, Kadri Veseli, takoi Raportuesen për liberalizimin e vizave për Kosovën, Tanja Fajon, me të cilën diskutoi rreth zhvillimeve aktuale në vend dhe rajon, procesin e euro-integrimeve dhe me theks të veçantë, për liberalizimin e vizave për qytetarët e Kosovës.

veseli fajon

Kryetari i Kuvendit të Republikës së Kosovës, Kadri Veseli, takoi Raportuesen për liberalizimin e vizave për Kosovën, Tanja Fajon, me të cilën diskutoi rreth zhvillimeve aktuale në vend dhe rajon, procesin e euro-integrimeve dhe me theks të veçantë, për liberalizimin e vizave për qytetarët e Kosovës.

Kryeparlamentari Veseli konfirmoi edhe njëherë përkushtimin e institucioneve dhe të popullit të Kosovës për të ecur më shpejt në proceset e integrimit evropian, por theksoi gjithashtu domosdoshmërinë që edhe Bashkimi Evropian të lëvizë përpara në raport me Kosovën dhe qytetarët e saj, veçanërisht lidhur me heqjen e vizave gjatë këtij viti.

“Zonja Fajon është duke bërë një punë jashtëzakonisht pozitive, në mënyrë që liberalizimi i vizave për qytetarët tanë të ndodhë. Analizuam realitetin në të cilin jemi. Jemi pothuajse në fazën përfundimtare. Të gjitha kushtet teknike janë plotësuar. Tani kemi nevojë vetëm për vendimmarrje politike. Jam i sigurt që në fund të këtij viti qytetarët tanë do të lëvizin lirshëm pa viza në Zonën Shengen. Zonja Fajon gjithashtu më këshilloi se në cilat vende duhet të orientohemi, për t’i bindur ato lidhur me liberalizimin e vizave. Jemi në prag të vendimit të madh”, theksoi kryeparlamentari Veseli.

Edhe Raportuesja Fajon, nga ana e saj, shprehu besimin se liberalizimi i vizave për qytetarët e Kosovës do të ndodhë gjatë këtij viti, ngase, siç tha ajo, Kosova tashmë ka përmbushur të gjitha kriteret.

Ajo tha se sapo Komisioni të dalë me raport pozitiv në fund të qershorit, menjëherë në fillim të korrikut do ta fus në agjendën e Komisionit të liberalizimit të vizave çështjen e Kosovës.

“Jam e lumtur që po e takoj kryetarin e Kuvendit të Kosovës, për t’i diskutuar hapat e ardhshëm për liberalizim të vizave. Përkrahja ime është e paekuivoke, sepse qytetarët e Kosovës e meritojnë të udhëtojnë pa viza në Zonën Shengen”, tha Fajon, raportuese për liberalizimin e vizave për Kosovën.

Artikuj Te Ndryshem

Fjala Jote

Dergo Pergjigjen

Your email address will not be published. Required fields are marked *

*

One thought on “Fajon e mëson Veselin ku duhet Kosova të lobojë për vizat

  1. Kjo dmth qe Kosova ende s.eshte gati per liberalizim vizash por keta hajnat te cilet i kane mashtruar popullin se deri ne fund te vitit do te levizin lirshem e kane ngrene e tani dojne te lajne m;t me sh;rr se ne e beme tonen por BE-ja nuk eshte gati ka problemet e veta paramendoni ju kane liberalizuar Ukraines e cila eshte edhe ndshta 20 here me e madhe se Kosova Gjeorgjise poashtu e Kosova eshte sikur nje qytet i madh botror metropol asgje me shume por BE done peshqit e medhenje ne burg e keta nuk jane gati te dorezohen per ate edhe nuk ka liberalizim Paramendoni pas luftes jane bere milionera politikajt qe kurr pune me dore nuk kane prekur jane bere te pasur presidenti para lufte gaqet e nanes vet i ka vesh e tani shitet sikur sheik Kjo pra nuk lejon liberalizim vizash vie kryeministri e ngrit rrogen 100% sikur me qene prone e tij ka ba pasuri marramendese kur dihet se sa mundet njeriu me ba pasuri per 18 vite Gjithe e kane vendin ne burg si presidenti kryeministri kryeparlamentari ministrat e korruptuar zv ministrat drejtoret te gjithe ne burg