Menu

A u shit ndeshja Gjeorgji U20 – Shqipëria U20

Shqipëria U21 ka treguar një tjetër paraqitje jo të mirë në miqësoren ndaj Gjeorgjisë, të cilën e humbi 3:0. Por, kjo humbje është e dyshimtë, nëse shohim koeficientin që ndryshoi në mënyrë të çuditshme në bastore

albania_1510682726-9687208

Shqipëria U21 ka treguar një tjetër paraqitje jo të mirë në miqësoren ndaj Gjeorgjisë, të cilën e humbi 3:0. Por, kjo humbje është e dyshimtë, nëse shohim koeficientin që ndryshoi në mënyrë të çuditshme në bastore

Të rinjtë e Kombëtares shqiptare ata U20 të drejtuar nga Alban Bushi kanë pasur një tjetër paraqitje zhgënjyese.

Ata janë mposhtur 3:0 në një miqësore ndaj Gjeorgjisë, e cila i ka shërbyer trajnerit Bushi për të parë se cilët lojtarë mund t’i marrë në U21.

Por, siç duket nuk ka qenë gjithçka në rregull me këtë ndeshje dhe këtë e tregojnë edhe koeficientet që lëviznin çuditshëm në bastore.

Kur zhvillohej minuta e 66’të e ndeshjes Shqipëria ishte duke humbur 1:0, por koeficienti për dy gola të tjerë ishte 1.72 në bastoren e madhe Bet365, shkruan gazeta Express.

Dy minuta më vonë, në minutën e 68’të, koeficienti në vend që të rritej, siç ndodh zakonisht në çdo ndeshje me kalimin e minutave, filloi të binte. Në minutën e 68-të që të shënoheshin edhe dy gola nga 1.72 ra në 1.66.

Bastoret këtë strategji e përdorin vetëm atëherë kur vendosen shuma të mëdha dhe për të minimalizuar humbjet, zvogëlon edhe koeficientin.

Ata duket se kishin të drejtë, pasi vetëm gjashtë minuta më vonë, Gjeorgjia nga 1:0 e thelloi epërsinë në 3:0, duke rritur kështu dyshimet se diçka nuk ishte në rregull.

Për më shumë, kur zhvillohej minuta e 85’të, koeficienti që Gjeorgjia të shënonte një gol ishte vetëm 1.5, që rëndom kalon edhe kuotën 3.

Kjo ndeshje u zhvillua sot nga ora 11:00 dhe nuk ka asnjë të dhënë rreth saj, se kush luajti, apo kush shënoi.

 

 

Artikuj Te Ndryshem

Fjala Jote

Dergo Pergjigjen

Your email address will not be published. Required fields are marked *

*