Menu

40-vjetori i vdekjes së Elvis Presley

Elvis Presley ndërroi jetë pas një ataku kardiak më 16 gusht të vitit 1977, në “Graceland”, në moshën 42-vjeçare.

1502887385ddd

Ish-bashkëshortja e Elvis Presley dhe vajza e tyre iu bashkuan mijëra fansave të tij në rezidencën “Graceland” në Memphis të shtetit Tennessee gjatë mesnatës së të martës, për të shënuar 40-vjetorin e ndarjes së tij nga jeta me qirinj nëpër duar.

Priscilla Presley, sot 72 vjeç, është parë teksa përshëndeste fansat përpara se të niste ceremonia e së martës, në momentin kur ata mbërritën në ish-pronën e këngëtarit. Ndërsa Lisa Marie Presley, 49 vjeç, ndezi qirinjtë për të pranishmit, që sipas organizatorëve, i kaluan 50 mijë fansa për të përkujtuar mbretin e “Rock ‘n’ Roll”-it. Ceremonia vijoi deri në orët e para të mëngjesit të së mërkurës.

Kjo ceremoni zhvillohet çdo vit në ditën e përvjetorit të vdekjes së Presleyt. Por këtë vit pati edhe disa shqetësime, pasi vizitorët duhej të paguanin 28.75 dollarë për të marrë pjesë në ceremoni, hera e parë që paguhet për një ngjarje të tillë, pasi zakonisht pjesëmarrja ka qenë falas.

“Në mënyrë që të siguronim qetësinë, sigurinë dhe kënaqësinë e kujtdo të pranishmi, ne bashkëpunuam me autoritetet lokale të sigurisë, ato shtetërore dhe federale, për të implementuar procedura të reja që janë para të zbatohen anembanë Shteteve të Bashkuara”, thuhet në deklaratën e lëshuar nga organizatorët.

Disa fansa e kundërshtuan vendimin për të paguar për hyrjen në një ceremoni të tillë, duke thënë se kjo mund të ishte një ofezë për ta. Por fakti që numri i të pranishmëve ishte kaq i lartë nënkupton se shumë të tjerë nuk e vranë mendjen për shumën e paguar.

Priscilla dhe Lisa Marie falënderuan më pas turmën për dashurinë dhe dedikimet ndaj ish-legjendës së muzikës “Rock and Roll”.

Priscilla u martua me Elvisin në vitin 1967, përpara se të divorcohej në vitin 1973. Lisa Marie, vajza e tyre, u lind në vitin 1968. Elvis Presley ndërroi jetë pas një ataku kardiak më 16 gusht të vitit 1977, në “Graceland”, në moshën 42-vjeçare.

40 vjet nga vdekja, Elvis Presley gjeneron 27 milionë dollarë në vit

Me qirinj në duar, qindra adhurues nga e gjithë bota u mblodhën jashtë shtëpisë së Elvis Presley në Memfis, për të shënuar 40 vjetorin e vdekjes se këngëtarit.

Fansat priten me durim për orë të tëra nisjen e homazheve në nder të mbretit të Rok’n’ rrollit.

Në ceremoninë përkujtimore mori pjesë edhe vajza e Elvis Presley, Lisa Marie e cila ndezi qirinjte për adhuruesit e Preslit ne Graceland ku janë planifikuar aktivitete përgjatë gjithë javës.

“Më duket se ai është ende këtu. Është një ndjenjë e çuditshme, ndjej se është këtu dhe po na vëzhgon. Ne po i japim atij diçka nga vetja pasi ai na dha vetveten”, shprehet Kelly Deacones, adhuruese e Elvis.

Elvis Presley u nda papritur nga jeta në moshën 42-vjeçare në 16 gusht të 1977-s si pasojë e një infarkti, pasi kishte luftuar me probleme të shumta shëndetësore, ndër të cilat varësia nga ilaçet.

Edhe pas vdekjes legjenda e muzikës vazhdon të gjenerojë te ardhura, e sipas listës se Forbes me artistet me më shume fitime pas vdekjes, ai ka fituar 27 milionë dollarë në 2016-tën dhe ka shitur një milionë albume.



 

 

Artikuj Te Ndryshem

Fjala Jote

Dergo Pergjigjen

Your email address will not be published. Required fields are marked *

*